講個勵志故事——我自己

2023年快結束了，迭個一年当中，每個禮拜差弗多要工作五六十個鐘頭，基本也是撐到極限了。不過只要有機會，我還是會得留出夜裡厢6-10點個辰光，除脱陪小人讀讀書，自家还要有所長進。

當年個小琴童因為課業緊張，放棄練琴，現在變成琴伯伯，又開始跟牢兒子練琴了。只不過從小提琴調成了鋼琴，算是40歲開始學吹打。

仔細看看迭個兩張證書，倒還是蠻著勁個，有交關地方差弗多：皆是11月份，皆是四級，外加皆没拿到優秀-,-。

听同樣陪練個同學講，大人考級考到後來，最難個部分弗是技巧，是背譜子。同學當中有衝到六級個，往後就比較難了。要么，我明年後年再衝衝看……

閒話講回來，我就是一個陪考陪練。毕竟，更加重要個結果，是兒子也同時考出來了鋼琴四級。